ਜਲੰਧਰ ਦੇ ਭੋਗਪੁਰ ਭੁਲੱਥ ਮੋੜ ’ਤੇ ਭਿਆਨਕ ਹਾਦਸਾ/ ਟਰੈਕਟਰ ਨਾਲ ਹੋਈ ਟੱਕਰ ’ਚ ਟੈਂਕਰ ਚਲਾਕ ਦੀ ਮੌਤ/ ਗ਼ਲਤ ਪਾਸਿਓਂ ਆ ਰਿਹਾ ਸੀ ਟਰੈਕਟਰ

ਜਲੰਧਰ ਦੇ ਭੋਗਪੁਰ ਭੁਲੱਥ ਮੋੜ ‘ਤੇ ਦੇਰ ਰਾਤ ਟਰੈਕਟਰ ਤੇ ਟੈਂਕਰ ਵਿਚਾਲੇ ਵਾਪਰੇ ਭਿਆਨਕ ਹਾਦਸੇ ਵਿਚ ਟੈਂਕਰ ਚਾਲਕ ਦੀ ਮੌਤ ਹੋ ਗਈ।  ਖਬਰਾਂ ਮੁਤਾਬਕ ਇਹ ਹਾਦਸਾ ਟਰੈਕਟਰ ਦੇ ਗਲਤ ਪਾਸਿਓ ਆਉਣ ਕਾਰਨ ਵਾਪਰਿਆ ਹੈ। ਹਾਦਸਾ ਇੰਨਾ ਭਿਆਨਕ ਸੀ ਕਿ ਕੈਂਟਰ ਦਾ 26 ਸਾਲਾ ਡਰਾਈਵਰ ਸੁਖਜਿੰਦਰ ਸਿੰਘ ਕੈਬਿਨ ਦੇ ਅੰਦਰ ਫਸ ਗਿਆ, ਜਿਸ ਦੀ ਦੋ ਘੰਟੇ ਅੰਦਰ ਫਸੇ ਰਹਿਣ ਕਾਰਨ ਮੌਤ ਹੋ ਗਈ। ਘਟਨਾ ਤੋਂ ਬਾਅਦ ਟਰੈਕਟਰ ਚਾਲਕ ਮੌਕੇ ਤੋਂ ਫਰਾਰ ਹੋ ਗਿਆ। ਪੁਲਿਸ ਨੇ ਹਾਦਸਾ ਗ੍ਰਸਤ ਵਾਹਨ ਕਬਜੇ ਵਿਚ ਲੈ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਜਾਣਕਾਰੀ ਅਨੁਸਾਰ ਮ੍ਰਿਤਕ ਦੀ ਪਛਾਣ ਸੁਖਜਿੰਦਰ ਸਿੰਘ ਹੁਸ਼ਿਆਰਪੁਰ ਜ਼ਿਲ੍ਹੇ ਦੇ ਪਿੰਡ ਘੋੜਾਬਾਹਾ ਦਾ ਰਹਿਣ ਵਾਲਾ ਸੀ। ਸੁਖਜਿੰਦਰ ਆਪਣੇ ਕੈਂਟਰ ਟਰੱਕ ਵਿੱਚ ਭੋਗਪੁਰ ਤੋਂ ਟਾਂਡਾ ਜਾ ਰਿਹਾ ਸੀ, ਜਿਵੇਂ ਹੀ ਉਹ ਭੁਲੱਥ ਮੋੜ ‘ਤੇ ਪਹੁੰਚਿਆ, ਤਾਂ ਟਾਂਡਾ ਤੋਂ ਆ ਰਹੀ ਇੱਕ ਟਰੈਕਟਰ-ਟਰਾਲੀ ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਕੇ ਗਲਤ ਪਾਸਿਓਂ ਆ ਗਈ। ਦੋਵਾਂ ਵਾਹਨਾਂ ਦੀ ਤੇਜ਼ ਰਫ਼ਤਾਰ ਕਾਰਨ ਆਹਮੋ-ਸਾਹਮਣੇ ਅਤੇ ਭਿਆਨਕ ਟੱਕਰ ਹੋ ਗਈ। ਟੱਕਰ ਇੰਨੀ ਜ਼ਬਰਦਸਤ ਸੀ ਕਿ ਟਰੱਕ ਦਾ ਅਗਲਾ ਹਿੱਸਾ ਪੂਰੀ ਤਰ੍ਹਾਂ ਕੁਚਲਿਆ ਗਿਆ, ਜਿਸ ਨਾਲ ਸੁਖਜਿੰਦਰ ਸੀਟ ਅਤੇ ਸਟੀਅਰਿੰਗ ਵ੍ਹੀਲ ਦੇ ਵਿਚਕਾਰ ਫਸ ਗਿਆ। ਉਸਨੂੰ ਬਾਹਰ ਨਿਕਲਣ ਦਾ ਮੌਕਾ ਵੀ ਨਹੀਂ ਮਿਲਿਆ।

ਹਾਦਸੇ ਤੋਂ ਬਾਅਦ, ਸੜਕ ਸੁਰੱਖਿਆ ਬਲ ਦੇ ਜਵਾਨਾਂ ਅਤੇ ਰਾਸ਼ਟਰੀ ਰਾਜਮਾਰਗ ਅਥਾਰਟੀ ਦੇ ਜਵਾਨਾਂ ਦੀ ਇੱਕ ਟੀਮ ਤੁਰੰਤ ਘਟਨਾ ਸਥਾਨ ‘ਤੇ ਪਹੁੰਚੀ। ਸੁਖਜਿੰਦਰ ਨੂੰ ਛੁਡਾਉਣ ਲਈ ਟਰੱਕ ਦੀ ਧਾਤ ਨੂੰ ਕੱਟਣ ਲਈ ਭਾਰੀ ਮਸ਼ੀਨਰੀ ਅਤੇ ਇੱਕ ਕਰੇਨ ਦੀ ਵਰਤੋਂ ਕੀਤੀ ਗਈ। ਪੂਰੀ ਕਾਰਵਾਈ ਵਿੱਚ ਲਗਭਗ ਦੋ ਘੰਟੇ ਲੱਗ ਗਏ, ਪਰ ਉਦੋਂ ਤੱਕ ਸੁਖਜਿੰਦਰ ਦੀ ਮੌਤ ਹੋ ਚੁੱਕੀ ਸੀ। ਏਐਸਆਈ ਕਰਨੈਲ ਸਿੰਘ ਨੇ ਸੁਖਜਿੰਦਰ ਦੀ ਲਾਸ਼ ਪੋਸਟਮਾਰਟਮ ਲਈ ਭੇਜ ਦਿੱਤੀ। ਪੁਲਿਸ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਹਾਦਸੇ ਵਿੱਚ ਸ਼ਾਮਲ ਟਰੈਕਟਰ ਨੂੰ ਜ਼ਬਤ ਕਰ ਲਿਆ ਗਿਆ ਹੈ ਅਤੇ ਫਰਾਰ ਡਰਾਈਵਰ ਦੀ ਭਾਲ ਲਈ ਛਾਪੇਮਾਰੀ ਕੀਤੀ ਜਾ ਰਹੀ ਹੈ।