ਨਕੋਦਰ ਬੱਸ ਸਟੈਂਡ ’ਤੇ ਪਰਸ ਚੋਰੀ/ ਦੋ ਔਰਤਾਂ ’ਚੋਂ ਇਕ ਕਾਬੂ, ਦੂਜੀ ਫਰਾਰ/ ਭੀੜ ’ਚੋਂ ਫ਼ਰਾਰ ਹੋਈਆਂ ਦੋਵੇਂ ਸ਼ੱਕੀ ਔਰਤਾਂ, ਵੀਡੀਓ ਵਾਇਰਲ

ਨਕੋਦਰ ਬੱਸ ਸਟੈਂਡ ’ਤੇ ਉਸ ਵੇਲੇ ਵੱਡਾ ਹੰਗਾਮਾ ਹੋ ਗਿਆ ਜਦੋਂ ਬੱਸ ਦੀ ਉਡੀਕ ਕਰ ਰਹੀਆਂ ਦੋ ਔਰਤਾਂ ਦਾ ਪਰਚ ਚੋਰੀ ਹੋ ਗਿਆ। ਪਤਾ ਲੱਗਣ ’ਤੇ ਪੀੜਤਾਂ ਨੇ ਪਰਸ ਲੈ ਕੇ ਭੱਜੀਆਂ ਸ਼ੱਕੀ ਔਰਤਾਂ ਦਾ ਪਿੱਛਾ ਕੀਤਾ ਅਤੇ ਕਪੂਰਥਲਾ ਕਾਊਂਟਰ ਨੇੜੇ ਇੱਕ ਔਰਤ ਨੂੰ ਫੜ ਲਿਆ, ਜਦਕਿ ਦੂਜੀ ਮੌਕੇ ਤੋਂ ਫ਼ਰਾਰ ਹੋ ਗਈ। ਮੌਕੇ ’ਤੇ ਇਕੱਠੀ ਹੋਈ ਭੀੜ ਨੇ ਫੜੀ ਗਈ ਔਰਤ ਦੀ ਕੁੱਟਮਾਰ ਕੀਤੀ, ਜਿਸ ਦੀ ਵੀਡੀਓ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਹੀ ਹੈ। ਹਾਲਾਂਕਿ, ਭੀੜ ਵਿੱਚੋਂ ਕੁਝ ਲੋਕਾਂ ਵੱਲੋਂ ਦਖ਼ਲ ਦੇਣ ਦੌਰਾਨ ਔਰਤ ਵੀ ਭੱਜਣ ਵਿੱਚ ਕਾਮਯਾਬ ਹੋ ਗਈ।

ਜਾਣਕਾਰੀ ਅਨੁਸਾਰ, ਦੋ ਔਰਤਾਂ ਬੱਸ ਸਟੈਂਡ ‘ਤੇ ਬੱਸ ਦੀ ਉਡੀਕ ਕਰ ਰਹੀਆਂ ਸਨ। ਇਸ ਦੌਰਾਨ, ਦੋ ਹੋਰ ਔਰਤਾਂ ਉਨ੍ਹਾਂ ਕੋਲ ਗਈਆਂ ਅਤੇ ਇੱਕ ਯਾਤਰੀ ਦੇ ਬੈਗ ਵਿੱਚੋਂ ਇੱਕ ਪਰਸ ਚੋਰੀ ਕਰ ਲਿਆ। ਕੁਝ ਦੇਰ ਬਾਅਦ, ਪੀੜਤਾਂ ਨੂੰ ਇਸ ਗੱਲ ਦਾ ਪਤਾ ਲੱਗਿਆ ਅਤੇ ਉਨ੍ਹਾਂ ਦਾ ਪਿੱਛਾ ਕਰਨਾ ਸ਼ੁਰੂ ਕਰ ਦਿੱਤਾ। ਬੱਸ ਸਟੈਂਡ ਦੇ ਅੰਦਰ ਕਪੂਰਥਲਾ ਕਾਊਂਟਰ ਦੇ ਨੇੜੇ ਸ਼ੱਕੀਆਂ ਵਿੱਚੋਂ ਇੱਕ ਨੂੰ ਫੜ ਲਿਆ ਗਿਆ, ਪਰ ਦੂਜੀ ਭੱਜਣ ਵਿੱਚ ਕਾਮਯਾਬ ਹੋ ਗਈ। ਪੀੜਤਾਂ ਦੇ ਅਨੁਸਾਰ, ਚੋਰੀ ਹੋਏ ਪਰਸ ਵਿੱਚ ਲਗਭਗ ਪੰਜ ਹਜ਼ਾਰ ਰੁਪਏ ਸਨ। ਮੌਕੇ ‘ਤੇ ਮੌਜੂਦ ਲੋਕਾਂ ਨੇ ਫੜੀ ਗਈ ਔਰਤ ਤੋਂ ਪੁੱਛਗਿੱਛ ਕੀਤੀ ਅਤੇ ਕੁੱਟਮਾਰ ਕੀਤੀ। ਕੁਝ ਲੋਕਾਂ ਨੇ ਦਖਲ ਦਿੱਤਾ, ਅਤੇ ਉਹ ਵੀ ਭੱਜ ਗਈ।