ਜਲੰਧਰ ਦੇ ਸਟੇਡੀਅਮ ’ਚ ਕਾਰੋਬਾਰੀ ਦੀ ਵਿਗੜੀ ਸਿਹਤ/ ਬੈਡਮਿਟਨ ਖੇਡਦੇ ਸਮੇਂ ਪਿਆ ਦਿਲ ਦਾ ਦੌਰਾ/ ਡਾਕਟਰ ਦੀ ਸੂਝਬੂਝ ਸਦਕਾ ਬਚੀ ਜਾਨ

-ਜਲੰਧਰ ਦੇ ਹੰਸ ਰਾਜ ਸਟੇਡੀਅਮ ਵਿਖੇ ਅੱਜ ਹਾਲਾਤ ਉਸ ਵੇਲੇ ਅਫਰਾ-ਤਫਰੀ ਵਾਲੇ ਬਣ ਗਏ ਜਦੋਂ ਇੱਥੇ ਬੈਡਮਿਟਨ ਖੇਡ ਰਹੇ ਕਾਰੋਬਾਰੀ ਦੀਪਕ ਪੁਜਾਰਾ ਨੂੰ ਅਚਾਨਕ ਦਿਲ ਦਾ ਦੌਰਾ ਪੈ ਗਿਆ। ਗਨੀਮਤ ਇਹ ਰਹੀ ਕਿ ਘਟਨਾ ਵੇਲੇ ਸਟੇਡੀਅਮ ਵਿਖੇ ਇਕ ਡਾਕਟਰ ਤੇ ਮੈਡੀਕਲ ਸਟਾਫ ਮੌਜੂਦ ਸਨ, ਜਿਨ੍ਹਾਂ ਨੇ ਤੁਰੰਤ ਮੁਢਲੀ ਸਹਾਇਤਾ ਮੁਹੱਈਆ ਕਰਵਾਈ, ਜਿਸ ਕਾਰਨ ਕਾਰੋਬਾਰੀ ਦੀ ਜਾਨ ਬੱਚ ਗਈ।  ਇਸ ਤੋਂ ਬਾਅਦ ਦੀਪਕ ਪੁਜਾਰਾ ਨੂੰ ਹਸਪਤਾਲ ਭੇਜ ਦਿੱਤਾ ਗਿਆ।

ਰਿਪੋਰਟਾਂ ਅਨੁਸਾਰ, ਦੀਪਕ ਪੁਜਾਰਾ ਬੈਡਮਿੰਟਨ ਖੇਡ ਰਿਹਾ ਸੀ ਜਦੋਂ ਉਸਦੀ ਸਿਹਤ ਅਚਾਨਕ ਵਿਗੜ ਗਈ ਅਤੇ ਉਹ ਮੈਦਾਨ ‘ਤੇ ਡਿੱਗ ਪਿਆ। ਸਟੇਡੀਅਮ ਵਿੱਚ ਮੌਜੂਦ ਡਾ. ਨਿਤੀਸ਼ ਗਰਗ ਅਤੇ ਡਾ. ਪਿਊਸ਼ ਸ਼ਰਮਾ ਨੇ ਤੁਰੰਤ ਡਾਕਟਰੀ ਉਪਕਰਣ ਅਤੇ ਐਮਰਜੈਂਸੀ ਕਿੱਟਾਂ ਨੂੰ ਬੁਲਾਇਆ ਅਤੇ ਮੈਡੀਕਲ ਟੀਮ ਦੇ ਆਉਣ ਤੋਂ ਪਹਿਲਾਂ ਹੀ ਇਲਾਜ ਸ਼ੁਰੂ ਕਰ ਦਿੱਤਾ। ਡਾ. ਨਿਤੀਸ਼ ਗਰਗ ਨੇ ਤੁਰੰਤ ਸੀਪੀਆਰ ਸ਼ੁਰੂ ਕੀਤਾ। ਵਿਗੜਦੀ ਹਾਲਤ ਨੂੰ ਦੇਖਦੇ ਹੋਏ, ਡਾਕਟਰਾਂ ਨੇ ਜ਼ਰੂਰੀ ਐਮਰਜੈਂਸੀ ਡਾਕਟਰੀ ਪ੍ਰਕਿਰਿਆਵਾਂ ਕੀਤੀਆਂ, ਜਿਸ ਨਾਲ ਖਿਡਾਰੀ ਦੀ ਹਾਲਤ ਵਿੱਚ ਸੁਧਾਰ ਹੋਇਆ।

ਮੈਡੀਕਲ ਟੀਮ ਦੇ ਪਹੁੰਚਣ ਤੋਂ ਬਾਅਦ, ਦੋਵਾਂ ਡਾਕਟਰਾਂ ਨੇ ਮੁੱਢਲੀ ਸਹਾਇਤਾ ਜਾਰੀ ਰੱਖੀ ਅਤੇ ਐਂਬੂਲੈਂਸ ਦੀ ਮਦਦ ਨਾਲ ਦੀਪਕ ਪੁਜਾਰਾ ਨੂੰ ਹੋਰ ਇਲਾਜ ਲਈ ਹਸਪਤਾਲ ਭੇਜ ਦਿੱਤਾ। ਦਰਸ਼ਕਾਂ ਨੇ ਘਟਨਾ ਦੀ ਵੀਡੀਓ ਬਣਾਈ, ਜਿਸ ਵਿੱਚ ਡਾਕਟਰ ਅਤੇ ਮੈਡੀਕਲ ਸਟਾਫ ਸਟੇਡੀਅਮ ਵਿੱਚ ਖਿਡਾਰੀ ਦਾ ਇਲਾਜ ਕਰਦੇ ਦਿਖਾਈ ਦਿੱਤੇ। ਡਾਕਟਰਾਂ ਅਤੇ ਖੇਡ ਸਟਾਫ ਦੀ ਤੁਰੰਤ ਮਦਦ ਕਾਰਨ ਇੱਕ ਵੱਡਾ ਹਾਦਸਾ ਟਲ ਗਿਆ। ਲੋਕਾਂ ਵੱਲੋਂ ਡਾਕਟਰ ਦੀ ਪ੍ਰਸੰਸਾ ਕੀਤੀ ਜਾ ਰਹੀ ਹੈ।