ਲੁਧਿਆਣਾ ਦੇ ਤਾਜਪੁਰ ’ਚ ਘਰੇਲੂ ਝਗੜੇ ਦੌਰਾਨ ਹਾਈ ਵੋਲਟੇਜ਼ ਡਰਾਮਾ; ਮਕਾਨ ਦੇ ਕਬਜ਼ੇ ਨੂੰ ਲੈ ਕੇ ਪਿਓ-ਧੀ ਵਿਚਾਲੇ ਹੋਇਆ ਤਕਰਾਰ

ਲੁਧਿਆਣਾ ਦੇ ਤਾਜਪੁਰ ਰੋਡ ਤੇ ਅੱਜ ਉਸ ਵੇਲੇ ਵੱਡਾ ਹੰਗਾਮਾ ਹੋ ਗਿਆ ਜਦੋਂ ਇੱਥੇ ਇਕ ਸਖਸ਼ ਨੇ ਕੁੱਝ ਲੋਕਾਂ ਦੀ ਮਦਦ ਨਾਲ ਇਕ ਘਰ ਅੰਦਰੋਂ ਸਾਮਾਨ ਕੱਢ ਕੇ ਇਕ ਵਾਹਨ ਵਿਚ ਲੱਦਣਾ ਸ਼ੁਰੂ ਕਰ ਦਿੱਤਾ। ਇਸ ਦੌਰਾਨ ਘਰ ਅੰਦਰ ਮੌਜੂਦ ਇਕ ਲੜਕੀ ਨਾਲ ਖਿੱਚ-ਧੂਹ ਵੀ ਕੀਤੀ ਅਤੇ ਉਸ ਨੂੰ ਬੰਦੀ ਬਣਾ ਕੇ ਸਾਮਾਨ ਵਾਹਨ ਵਿਚ ਲੱਦਿਆ ਗਿਆ।

ਘਟਨਾ ਦੀ ਸੂਚਨਾ ਮਿਲਣ ਬਾਅਦ ਮੌਕੇ ਤੇ ਮੀਡੀਆ ਪਹੁੰਚ ਗਿਆ, ਜਿਸ ਤੋਂ ਬਾਅਦ ਇਹ ਮਾਮਲਾ ਪਿਉ-ਧੀ ਵਿਚਾਲੇ ਵਿਵਾਦ ਦਾ ਨਿਕਲਿਆ। ਦਰਅਸਲ ਘਰ ਅੰਦਰ ਰਹਿ ਰਹੀ ਲੜਕੀ ਦਾ ਕਹਿਣਾ ਸੀ ਕਿ ਉਸ ਦਾ ਪਿਉ ਬਾਹਰੀ ਲੋਕਾਂ ਦੀ ਮਦਦ ਨਾਲ ਉਸ ਤੋਂ ਮਕਾਨ ਖਾਲੀ ਕਰਵਾਉਣਾ ਚਾਹੁੰਦਾ ਐ। ਉਧਰ ਲੜਕੀ ਦੇ ਪਿਤਾ ਦਾ ਕਹਿਣਾ ਐ ਉਸ ਨੇ ਇਹ ਮਕਾਨ ਵੇਚ ਦਿੱਤਾ ਐ ਪਰ ਇਹ ਧੱਕੇ ਨਾਲ ਕਬਜਾ ਕਰੀ ਰੱਖਣਾ ਚਾਹੁੰਦੇ ਨੇ। ਪੁਲਿਸ ਨੇ ਦੋਵੇਂ ਧਿਰਾਂ ਦੇ ਬਿਆਨਾਂ ’ਤੇ ਜਾਂਚ ਸ਼ੁਰੂ ਕਰ ਦਿੱਤੀ ਐ।