ਫਰੀਦਕੋਟ ਦੇ ਖਪਤਕਾਰ ਕਮਿਸ਼ਨ ਵੱਲੋਂ ਨਾਮੀ ਡਾਕਟਰ ਨੂੰ ਜੁਰਮਾਨਾ; ਇਲਾਜ਼ ’ਚ ਕੁਤਾਹੀ ਬਦਲੇ ਠੋਕਿਆ 22 ਲੱਖ 40 ਹਜ਼ਾਰ ਦੇਣ ਦੇ ਹੁਕਮ; ਪਿੱਤੇ ਦੀ ਪੱਥਰੀ ਦੇ ਆਪਰੇਸ਼ਨ ਦੌਰਾਨ ਕੱਟ ਦਿੱਤੀ ਸੀ ਗਲਤ ਨਸ

ਫਰੀਦਕੋਟ ਦੇ ਖਪਤਕਾਰ ਕਮਿਸ਼ਨ ਨੇ ਸ੍ਰੀ ਮੁਕਤਸਰ ਸਾਹਿਬ ਨਾਲ ਸਬੰਧਤ ਇਕ ਡਾਕਟਰ ਨੂੰ ਇਲਾਜ ਚ ਕੋਤਾਹੀ ਬਦਲੇ 22 ਲੱਖ 40 ਹਜ਼ਾਰ ਦਾ ਜੁਰਮਾਨਾ ਠੋਕਿਆ ਐ। ਕਮਿਸ਼ਨ ਨੇ ਇਹ ਫੈਸਲਾ ਫ਼ਰੀਦਕੋਟ ਦੇ ਰਹਿਣ ਵਾਲੇ ਵਿਦਿਆਰਥੀ ਗੁਰਪ੍ਰੀਤ ਸਿੰਘ ਦੀ ਸ਼ਿਕਾਇਤ ਦੇ ਸੁਣਾਇਆ ਐ। ਵਿਦੇਸ਼ ਵਿਚ ਪੜ੍ਹਾਈ ਕਰਦੇ ਗੁਰਪ੍ਰੀਤ ਸਿੰਘ ਨੂੰ 2019 ਵਿਚ ਪੇਟ ਵਿਚ ਦਰਦ ਦੇ ਚਲਦਿਆਂ ਉਕਤ ਹਸਪਤਾਲ ਵਿਚ ਲਿਜਾਇਆ ਗਿਆ ਸੀ, ਜਿੱਥੇ ਡਾਕਟਰ ਨੇ ਪਿੱਤੇ ਦੀ ਪੱਥਰੀ ਦਾ ਆਪਰੇਸ਼ਨ ਕੀਤਾ ਪਰ ਆਪਰੇਸ਼ਨ ਦੌਰਾਨ ਗਲਤ ਨੱਸ ਕੱਟ ਦਿੱਤੀ ਗਈ ਸੀ, ਜਿਸ ਦੇ ਚਲਦਿਆਂ ਉਸ ਦੀ ਹਾਲਤ ਵਿਗੜ ਗਈ। ਮਾਮਲਾ ਖਪਤਕਾਰ ਕਮਿਸ਼ਨ ਕੋਲ ਪਹੁੰਚਿਆ ਜਿਸ ਨੇ ਕੇਸ ਦਾ ਨਿਪਟਾਰਾ ਕਰਦਿਆਂ ਡਾਕਟਰ ਨੂੰ 22 ਲੱਖ 40 ਹਜ਼ਾਰ ਜੁਰਮਾਨੇ ਦਾ ਹੁਕਮ ਸੁਣਾਇਆ ਐ।

ਖਪਤਕਾਰ ਕਮਿਸ਼ਨ ਨੇ ਨਿੱਜੀ ਹਸਪਤਾਲ ਅਤੇ ਇਸਦੇ ਡਾਕਟਰ ਨੂੰ ਇਲਾਜ ਦੌਰਾਨ ਘੋਰ ਲਾਪਰਵਾਹੀ ਕਾਰਨ 45 ਦਿਨਾਂ ਦੇ ਅੰਦਰ ਇੱਕ ਵਿਦਿਆਰਥੀ ਨੂੰ 22.40 ਲੱਖ ਰੁਪਏ ਦਾ ਮੁਆਵਜ਼ਾ ਦੇਣ ਦਾ ਹੁਕਮ ਦਿੱਤਾ। ਫ਼ਰੀਦਕੋਟ ਦੇ ਰਹਿਣ ਵਾਲੇ ਵਿਦਿਆਰਥੀ ਗੁਰਪ੍ਰੀਤ ਸਿੰਘ ਨੂੰ 2019 ਵਿੱਚ ਨਿਊਜ਼ੀਲੈਂਡ ਵਿੱਚ ਪੜ੍ਹਦੇ ਸਮੇਂ ਪੇਟ ਵਿੱਚ ਤੇਜ਼ ਦਰਦ ਹੋਇਆ ਅਤੇ ਉਹ ਇਲਾਜ ਲਈ ਭਾਰਤ ਵਾਪਸ ਆ ਗਿਆ। ਉਸਨੇ ਮੁਕਤਸਰ ਸਾਹਿਬ ਦੇ ਸੰਧੂ ਹਸਪਤਾਲ ਵਿੱਚ ਡਾਕਟਰ ਸੰਦੀਪ ਸਿੰਘ ਸੰਧੂ ਨਾਲ ਸਲਾਹ ਕੀਤੀ, ਜਿਨ੍ਹਾਂ ਨੇ ਉਸਨੂੰ ਪਿੱਤੇ ਦੀ ਪੱਥਰੀ ਦਾ ਪਤਾ ਲਗਾਇਆ ਅਤੇ ਉਸਨੂੰ ਦਾਖਲ ਕਰਵਾਇਆ। ਸਰਜਰੀ ਦੌਰਾਨ, ਡਾਕਟਰ ਦੀ ਲਾਪਰਵਾਹੀ ਕਾਰਨ ਪਿੱਤੇ ਦੀ ਥੈਲੀ ਦੇ ਨੇੜੇ ਇੱਕ ਨਸ ਕੱਟ ਗਈ, ਜਿਸ ਨਾਲ ਹੋਰ ਪੇਚੀਦਗੀਆਂ ਪੈਦਾ ਹੋਈਆਂ।

ਪਰ ਸੰਧੂ ਹਸਪਤਾਲ ਵਿੱਚ ਇੱਕ ਆਪ੍ਰੇਸ਼ਨ ਤੋਂ ਬਾਅਦ ਗੁਰਪ੍ਰੀਤ ਸਿੰਘ ਨਾਮ ਦੇ ਇੱਕ ਵਿਦਿਆਰਥੀ ਨੂੰ ਇਸ ਸਬੰਧੀ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ। ਉਸਦੀ ਹਾਲਤ ਵਿਗੜਨ ਦੇ ਬਾਵਜੂਦ, ਹਸਪਤਾਲ ਨੇ ਡਿਸਚਾਰਜ ਹਿਸਟਰੀ ਜਾਂ ਆਪ੍ਰੇਸ਼ਨ ਦੌਰਾਨ ਹੋਈ ਲਾਪਰਵਾਹੀ ਬਾਰੇ ਜਾਣਕਾਰੀ ਨਹੀਂ ਦਿੱਤੀ। ਇਸ ਲਾਪਰਵਾਹੀ ਅਤੇ ਜਾਣਕਾਰੀ ਦੀ ਘਾਟ ਕਾਰਨ ਗੁਰਪ੍ਰੀਤ ਸਿੰਘ ਵਿਦੇਸ਼ ਵਿੱਚ ਆਪਣੀ ਪੜ੍ਹਾਈ ਕਰਨ ਦੇ ਯੋਗ ਨਹੀਂ ਰਿਹਾ ਅਤੇ ਉਸਨੇ ਆਪਣੀ ਅੱਠ ਲੱਖ ਰੁਪਏ ਦੀ ਫੀਸ ਵੀ ਗੁਆ ਦਿੱਤੀ। ਡਾਕਟਰਾਂ ਨੇ ਬਾਅਦ ਵਿੱਚ ਉਸਨੂੰ ਇਲਾਜ ਲਈ ਲੁਧਿਆਣਾ ਰੈਫਰ ਕਰ ਦਿੱਤਾ ਜਿਥੇ ਉਸਦਾ ਮੁੜ ਇਲਾਜ ਕਰਵਾਇਆ ਗਿਆ ਪਰ ਡਾਕਟਰ ਦੀ ਅਣਗਹਿਲੀ ਕਾਰਨ ਉਸ ਵੱਲੋਂ ਅਦਾਲਤ ਦਾ ਰੁਖ ਕੀਤਾ ਗਿਆ।

ਹੁਣ ਕਰੀਬ ਚਾਰ ਸਾਲ ਚੱਲੇ ਇਸ ਕੇਸ ਦੇ ਫੈਸਲੇ ਸਬੰਧੀ ਰਾਕੇਸ਼ ਕੁਮਾਰ ਸਿੰਗਲਾ ਅਤੇ ਪਰਮ ਪਾਲ ਕੌਰ ਦੀ ਅਗਵਾਈ ਵਾਲੇ ਖਪਤਕਾਰ ਕਮਿਸ਼ਨ ਨੇ ਸੰਧੂ ਹਸਪਤਾਲ ਅਤੇ ਇਸਦੇ ਬੀਮਾ ਪ੍ਰਦਾਤਾ ਨੂੰ ਗੁਰਪ੍ਰੀਤ ਸਿੰਘ ਨੂੰ ਸਿੱਖਿਆ, ਸਿਹਤ, ਮਾਨਸਿਕ ਪ੍ਰੇਸ਼ਾਨੀ ਅਤੇ ਇਲਾਜ ਦੇ ਖਰਚਿਆਂ ਲਈ 22.40 ਲੱਖ ਦਾ ਮੁਆਵਜ਼ਾ ਦੇਣ ਦਾ ਹੁਕਮ ਦਿੱਤਾ। ਇਸ ਮੁਆਵਜ਼ੇ ਵਿੱਚ ਨਿਊਜ਼ੀਲੈਂਡ ਦੇ ਇੱਕ ਕਾਲਜ ਲਈ ਅਦਾ ਕੀਤੀ ਗਈ ਕਾਲਜ ਫੀਸ ਵਿੱਚ 8 ਲੱਖ ਦੀ  ਵੀ ਸ਼ਾਮਲ ਹਨ, ਕਿਉਂਕਿ ਇਸ ਘਟਨਾ ਕਾਰਨ ਵਿਦਿਆਰਥੀ ਦਾ ਸੁਪਨਾ ਚਕਨਾਚੂਰ ਹੋ ਗਿਆ ਸੀ। ਹਸਪਤਾਲ ਨੂੰ ਆਪਣਾ ਪੱਖ ਪੇਸ਼ ਕਰਨ ਦਾ ਮੌਕਾ ਦਿੱਤਾ ਗਿਆ ਅਤੇ ਲਾਪਰਵਾਹੀ ਦੇ ਦੋਸ਼ਾਂ ਤੋਂ ਇਨਕਾਰ ਕੀਤਾ ਗਿਆ। ਹਾਲਾਂਕਿ, ਖਪਤਕਾਰ ਕਮਿਸ਼ਨ ਨੇ ਸ਼ਿਕਾਇਤਕਰਤਾ ਦੁਆਰਾ ਪੇਸ਼ ਕੀਤੇ ਗਏ ਰਿਕਾਰਡਾਂ ਦੇ ਆਧਾਰ ‘ਤੇ ਇਹ ਸਿੱਟਾ ਕੱਢਿਆ ਕਿ ਇਲਾਜ ਦੌਰਾਨ ਗੰਭੀਰ ਲਾਪਰਵਾਹੀ ਹੋਈ ਹੈ।