ਮਲੋਟ ਦੇ ਪਿੰਡਾਂ ’ਚ ਵਿਕਾਸ ਕੰਮਾਂ ਦੀ ਹਨੇਰੀ/ ਮੰਤਰੀ ਡਾ. ਬਲਜੀਤ ਕੌਰ ਨੇ ਸ਼ੁਰੂ ਕਰਵਾਏ ਕੰਮ/ ਗੈਂਗਸਟਰਵਾਦ ਲਈ ਪਹਿਲੀਆਂ ਸਰਕਾਰਾਂ ਨੂੰ ਦੱਸਿਆ ਜ਼ਿੰਮੇਵਾਰ

ਵਿਧਾਇਕ  ਅਤੇ  ਕੈਬਨਿਟ  ਮੰਤਰੀ ਡਾਕਟਰ  ਬਲਜੀਤ  ਕੌਰ  ਨੇ  ਵਿਕਾਸ  ਕਾਰਜਾਂ  ਦੀ  ਲੜੀ  ਨੂੰ  ਅੱਗੇ  ਤੋਰਦੇ  ਹੋਏ  ਮਲੋਟ  ਸ਼ਹਿਰ  ਦੇ  ਨਾਲ-ਨਾਲ  ਕਈ  ਪਿੰਡਾਂ  ਵਿਚ  ਕਰੀਬ  4 ਕਰੋੜ  ਦੀ ਲਾਗਤ  ਨਾਲ ਸੁਰੂ  ਹੋਣ  ਵਾਲੇ  ਵਿਕਾਸ  ਕਾਰਜਾਂ  ਦੀ ਸ਼ੁਰੂਆਤ  ਕਰਵਾਈ। ਪਿੰਡ  ਅਬੁਲ  ਖੁਰਾਣਾ  ਵਿਖੇ  ਮੀਡੀਆ  ਨਾਲ ਗੱਲਬਾਤ ਕਰਦਿਆਂ ਉਨ੍ਹਾਂ ਕਿਹਾ ਕਿ ਪੰਜਾਬ  ਸਰਕਾਰ  ਦਾ ਆਉਣ ਵਾਲਾ  ਬਜਟ ਲੋਕ ਹਿੱਤੀ ਰਹੇਗਾ ਅਤੇ ਔਰਤਾਂ ਨਾਲ  ਕੀਤੇ  ਵਾਅਦੇ  ਸਮੇਤ ਸਾਰੇ ਵਾਅਦੇ ਪੂਰੇ ਕੀਤੇ ਜਾਣਗੇ।

ਪੰਜਾਬ  ਦੀ  ਕਨੂੰਨੀ  ਵਿਵਸਥਾ ਉਤੇ  ਉਠਾਏ  ਜਾ  ਰਹੇ  ਸਵਾਲਾਂ  ਦੇ ਜਵਾਬ ਵਿਚ ਉਨ੍ਹਾਂ ਕਿਹਾ ਕੇ ਗੈਂਗਸਟਰਵਾਦ ਪਿਛਲੀਆਂ ਸਰਕਾਰਾਂ  ਦੀ  ਦੇਣ  ਹੈ ਅਤੇ ਇਸ  ਨੂੰ  ਖਤਮ  ਕਰਨ ਲਈ ਪੰਜਾਬ  ਸਰਕਾਰ  ਲਗੀ  ਹੋਈ। ਉਨ੍ਹਾਂ ਕਿਹਾ ਕਿ ਪੰਜਾਬ  ਸਰਕਾਰ  ਦੀ  ਮੇਰੀ  ਰਸੋਈ  ਦਾ  ਕਰੀਬ  40 ਲੱਖ  ਦੇ  ਕਰੀਬ  ਲੋਕਾਂ ਨੂੰ  ਲਾਭ  ਮਿਲੇਗਾl ਉਨ੍ਹਾਂ  ਕਿਹਾ  ਕਿ  ਸਕੂਲਾਂ  ਵਿਚ  ਅਧਿਆਪਕਾਂ  ਦੀ  ਘਾਟ  ਨੂੰ  ਜਲਦ  ਪੂਰਾ  ਕੀਤਾ  ਜਾਵੇਗਾ। ਉਨ੍ਹਾਂ AI ਸਮਿਟ ਬਾਰੇ ਉਨ੍ਹਾਂ ਕਿਹਾ  ਕਿਸੇ  ਦੇ ਪੈਰੋਡਟਕਟ ਉਤੇ ਅਪਣੀ ਮੋਹਰ ਲਾਉਣੀ  ਚਿੰਤਾ ਦਾ  ਵਿਸ਼ਾ ਹੈ।