ਮਲੋਟ ਦਾਣਾ ਮੰਡੀ ’ਚ ਕਣਕ ਦੀ ਖਰੀਦ ਦਾ ਕੰਮ ਸ਼ੁਰੂ/ ਕੈਬਨਿਟ ਮੰਤਰੀ ਬਲਜੀਤ ਕੌਰ ਨੇ ਕਰਵਾਈ ਬੋਲੀ/ ਕਿਸਾਨਾਂ ਨੂੰ ਹਰ ਮੁਸ਼ਕਲ ਹੱਲ ਕਰਨ ਦਾ ਭਰੋਸਾ

ਪੰਜਾਬ ਭਰ ਅੰਦਰ ਕਣਕ ਦੀ ਸਰਕਾਰੀ ਖਰੀਦ ਸ਼ੁਰੂ ਹੋ ਚੁੱਕੀ ਹੈ। ਭਾਵੇਂ ਬਰਸਾਤ ਦੇ ਚਲਦਿਆਂ ਕਣਕ ਦੀ ਆਮਦ ਵਿਚ ਦੇਰੀ ਹੋਈ ਹੈ ਪਰ ਹੁਣ ਮੌਸਮ ਠੀਕ ਹੋਣ ਬਾਅਦ ਕਣਕ ਦੀ ਆਮਦ ਸ਼ੁਰੂ ਹੋ ਗਈ ਹੈ। ਇਸੇ ਦੇ ਚਲਦਿਆਂ ਕੈਬਨਿਟ ਮੰਤਰੀ ਡਾ. ਬਲਜੀਤ ਕੌਰ ਅੱਜ ਮਲੋਟ ਦੀ ਮੰਡੀ ਵਿਖੇ ਪਹੁੰਚੇ ਜਿੱਥੇ ਉਨ੍ਹਾਂ ਨੇ ਕਣਕ ਦੀ ਆਈ ਪਹਿਲੀ ਢੇਰੀ ਦੀ ਬੋਲੀ ਕਰਵਾ ਕੇ ਕਣਕ ਦੀ ਸ਼ੁਰੂਆਤ ਕਰਵਾਈ।

ਇਸ ਮੌਕੇ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਕੈਬਨਿਟ ਮੰਤਰੀ ਡਾ. ਬਲਜੀਤ ਕੌਰ ਨੇ ਕਿਹਾ ਕਿ ਖਰੀਦ ਦੇ ਸਰਕਾਰੀ  ਪ੍ਰਬੰਧ  ਪੂਰੀ  ਤਰਾਂ  ਮੁਕਮੰਲ  ਹਨ ਅਤੇ ਕਿਸਾਨਾਂ ਨੂੰ  ਕਿਸੇ  ਵੀ ਤਰ੍ਹਾਂ ਮੁਸ਼ਕਲ  ਨਹੀਂ  ਆਉਣ ਦਿੱਤੀ  ਜਾਵੇਗੀ। ਉਨ੍ਹਾਂ ਕਿਹਾ ਕੇ  ਬਰਸਾਤ ਅਤੇ  ਗੜੇਮਾਰੀ ਕਾਰਨ ਫਸਲਾਂ ਦਾ ਭਾਰੀ  ਨੁਕਸਾਨ  ਹੋਇਆ  ਜਿਥੇ  ਗਿਰਦਾਵਰੀ  ਕਰਵਾਈ  ਜਾ ਰਹੀ  ਹੈ  ਤਾਂ  ਜੋ  ਕਿਸਾਨਾਂ  ਨੂੰ  ਯੋਗ ਮੁਆਵਜ਼ਾ  ਰਾਸ਼ੀ  ਦਿੱਤੀ  ਜਾਵੇ। ਇਸੇ ਦੌਰਾਨ ਉਨ੍ਹਾਂ ਨੇ ਅਧਿਕਾਰੀਆਂ ਨੂੰ ਫਸਲ ਦੀ ਖਰੀਦ ਵਿਚ ਕਿਸਾਨਾਂ ਨੂੰ ਕੁਝ ਰਾਹਤ ਦੇਣ ਦੀ ਹਦਾਇਤ ਕੀਤੀ।