ਫਗਵਾੜਾ ’ਚ ਲੋਕਾਂ ਹੱਥੇ ਚੜ੍ਹਿਆ ਐਕਟਿਵਾ ਚੋਰ/ ਖੰਭੇ ਨਾਲ ਬੰਨ੍ਹ ਕੇ ਚਾੜਿਆ ਕੁਟਾਪਾ/ ਪੁਲਿਸ ਨੇ ਹਿਰਾਸਤ ਲੈ ਕੇ ਜਾਂਚ ਕੀਤੀ ਸ਼ੁਰੂ

ਫਗਵਾੜਾ ਦੇ ਸੈਂਟਰਲ ਟਾਊਨ ਇਲਾਕੇ ਵਿਚ ਉਸ ਵੇਲੇ ਵੱਡਾ ਹੰਗਾਮਾ ਹੋ ਗਿਆ ਜਦੋਂ ਲੋਕਾਂ ਨੇ ਇਕ ਐਕਟਿਵਾ ਚੋਰ ਨੂੰ ਫੜ ਕੇ ਕੁਟਾਪਾ ਚਾੜ ਦਿੱਤਾ। ਲੋਕਾਂ ਦੇ ਦੱਸਣ ਮੁਤਾਬਕ ਇਸ ਚੋਰ ਨੇ ਬੀਤੇ ਦਿਨ ਐਕਟਿਵਾ ਚੋਰੀ ਕੀਤੀ ਸੀ। ਐਕਟਿਵਾ ਦੇ ਮਾਲਕ ਪ੍ਰਵੇਸ਼ ਚੰਦਰ ਨੇ ਚੋਰ ਨੂੰ ਕੱਪੜਿਆਂ ਦੇ ਰੰਗ ਤੋਂ ਪਛਾਣ ਲਿਆ। ਇਸ ਤੋਂ ਬਾਅਦ ਲੋਕਾਂ ਦੀ ਮਦਦ ਨਾਲ ਮੁਲਜਮ ਨੂੰ ਫੜ ਕੇ ਕੁਟਾਪਾ ਚਾੜਣ ਬਾਅਦ ਪੁਲਿਸ ਹਵਾਲੇ ਕਰ ਦਿੱਤਾ।

ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਪੀੜਤ ਪ੍ਰਵੇਸ਼ ਚੰਦਰ ਨੇ ਦੱਸਿਆ ਕਿ ਉਸਦੀ ਐਕਟਿਵਾ ਪਿਛਲੇ ਦਿਨ ਕਟਿਆਰਾ ਚੌਕ ਦੇ ਨੇੜਿਓ ਚੋਰੀ ਹੋ ਗਈ ਸੀ। ਉਹ ਅੱਜ ਗੋਲ ਚੌਕ ਤੋਂ ਵਾਪਸ ਆ ਰਿਹਾ ਸੀ ਅਤੇ ਉਸਨੇ ਐਕਟਿਵਾ ਚੋਰ ਨੂੰ ਉਸਦੀ ਕਮੀਜ਼ ਤੋਂ ਪਛਾਣ ਲਿਆ। ਉਸਨੇ ਚੋਰ ਦੇ ਸਾਹਮਣੇ ਐਕਟਿਵਾ ਰੋਕੀ ਤਾਂ ਉਸ ਨੇ ਭੱਜਣ ਦੀ ਕੋਸ਼ਿਸ਼ ਕੀਤੀ। ਅਖੀਰ 15 ਮਿੰਟਾਂ ਤਕ ਬਾਜਾਰਾਂ ਵਿਚ ਪਿੱਛਾ ਕਰਨ ਤੋਂ ਬਾਅਦ ਲੋਕਾਂ ਦੀ ਮਦਦ ਨਾਲ ਚੋਰ ਨੂੰ ਫੜ ਲਿਆ। ਚੋਰ ਨੇ ਕਿਸੇ ਹੋਰ ਦੀ ਐਕਟਿਵਾ ਚੋਰੀ ਕਰਨ ਦੀ ਗੱਲ ਕਬੂਲ ਕੀਤੀ। ਪੀੜਤ ਦੇ ਅਨੁਸਾਰ, ਪੁਲਿਸ ਨੂੰ ਘਟਨਾ ਦੀ ਰਿਪੋਰਟ ਕੀਤੇ 20 ਤੋਂ 25 ਮਿੰਟ ਹੋ ਗਏ ਹਨ, ਪਰ ਪੁਲਿਸ ਅਜੇ ਤੱਕ ਮੌਕੇ ‘ਤੇ ਨਹੀਂ ਪਹੁੰਚੀ ਹੈ।

ਇਸ ਦੌਰਾਨ, ਬਾਂਸਲ ਨੇ ਦੱਸਿਆ ਕਿ ਗ੍ਰਿਫ਼ਤਾਰ ਕੀਤਾ ਗਿਆ ਚੋਰ ਅਕਸਰ ਬਾਜ਼ਾਰ ਵਿੱਚ ਚੋਰੀਆਂ ਕਰਦਾ ਹੈ। ਉਹ ਲੋਕਾਂ ਦੇ ਡੱਬੇ ਚੋਰੀ ਕਰਦਾ ਹੈ ਅਤੇ ਫਿਰ ਫਰਾਰ ਹੋ ਜਾਂਦਾ ਹੈ। ਉਸ ਵਿਅਕਤੀ ਨੇ ਕਿਹਾ ਕਿ ਚੋਰ ਨੂੰ ਕਈ ਵਾਰ ਪੁਲਿਸ ਦੇ ਹਵਾਲੇ ਕੀਤਾ ਗਿਆ ਹੈ, ਪਰ ਪੁਲਿਸ ਉਸਨੂੰ ਛੱਡ ਦਿੰਦੀ ਹੈ, ਅਤੇ ਉਹ ਚੋਰੀਆਂ ਕਰਨਾ ਜਾਰੀ ਰੱਖਦਾ ਹੈ। ਕਾਫ਼ੀ ਦੇਰੀ ਤੋਂ ਬਾਅਦ ਪੁਲਿਸ ਮੌਕੇ ‘ਤੇ ਪਹੁੰਚੀ, ਚੋਰ ਨੂੰ ਫੜ ਲਿਆ ਅਤੇ ਪੁੱਛਗਿੱਛ ਲਈ ਉਸਨੂੰ ਥਾਣੇ ਲੈ ਗਈ। ਪੁਲਿਸ ਦਾ ਕਹਿਣਾ ਹੈ ਕਿ ਪੀੜਤ ਦੇ ਬਿਆਨ ਦੇ ਆਧਾਰ ‘ਤੇ ਚੋਰ ਵਿਰੁੱਧ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ।