ਲੰਬੀ ਹਲਕੇ ਦੇ ਪਿੰਡਾਂ ’ਚ ਕਰੋੜਾਂ ਦੇ ਵਿਕਾਸ ਕੰਮ ਸ਼ੁਰੂ/ ਮੰਤਰੀ ਖੁੱਡੀਆਂ ਨੇ ਰੱਖਿਆ ਨੀਂਹ ਪੱਥਰ/ ਨਵੇਂ ਮਾਇਨਰ ਨਾਲ 3 ਪਿੰਡਾਂ ਨੂੰ ਮਿਲੇਗਾ ਨਹਿਰੀ ਪਾਣੀ

ਹਲਕਾ ਲੰਬੀ ਤੋਂ ਵਿਧਾਇਕ ਤੇ ਖੇਤੀਬਾੜੀ ਮੰਤਰੀ ਗੁਰਮੀਤ ਸਿੰਘ ਖੁੱਡੀਆਂ ਵੱਲੋਂ ਅੱਜ ਆਪਣੇ ਹਲਕੇ ਅੰਦਰ ਕਰੋੜਾਂ ਰੁਪਏ ਦੇ ਵਿਕਾਸ ਕੰਮ ਸ਼ੁਰੂ ਕਰਵਾਏ। ਇਸ ਮੌਕੇ ਉਨ੍ਹਾਂ ਨੇ ਪਿੰਡ ਫਤੂਹੀ ਖੇੜਾ ਵਿਖੇ 1 ਕਰੋੜ 20 ਲੱਖ ਦੀ ਲਾਗਤ ਨਾਲ ਬਣਨ ਵਾਲੇ ਨਵੇਂ ਮਾਇਨਰ ਦੇ ਕੰਮ ਦੀ ਸ਼ੁਰੂੱਤ ਕਰਵਾਈ। ਇਸ ਮੌਕੇ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਉਨ੍ਹਾਂ ਕਿਹਾ ਕਿ ਇਸ  ਮਾਈਨਰ ਨਾਲ 3 ਪਿੰਡਾਂ  ਦੇ  ਕਿਸਾਨਾਂ  ਨੂੰ ਲਾਭ  ਮਿਲੇਗਾ। ਇਸੇ ਦੌਰਾਨ ਉਨ੍ਹਾਂ ਨੇ ਪੰਜਾਬ ਸਰਕਾਰ ਦੀ 4 ਚਾਰ  ਸਾਲਾਂ  ਦੀ  ਕਾਰਗੁਜ਼ਾਰੀ ਵੀ  ਲੋਕਾਂ  ਸਾਹਮਣੇ  ਰੱਖੀ।

ਕਣਕ ਦੀ ਖਰੀਦ ਬਾਰੇ ਉਨ੍ਹਾਂ ਕਿਹਾ ਕਿ ਫਸਲ ਦੀ ਸਰਕਾਰੀ ਖਰੀਦ ਸਬੰਧੀ  ਸਾਡੇ ਚਾਰ  ਮੰਤਰੀਆਂ  ਦੀ  ਆੜਤੀਆ  ਤੇ  ਅਧਕਾਰੀਆਂ  ਨਾਲ ਮੀਟਿੰਗ  ਹੋ ਚੁੱਕੀ  ਹੈ  ਅਤੇ ਸਾਰੇ  ਪ੍ਰਬੰਧ  ਮੁਕਮੰਲ  ਕਰ ਲਏ  ਹਨ ਅਤੇ ਕਿਸੇ  ਨੂੰ  ਕੋਈ  ਮੁਸ਼ਕਲ  ਨਹੀਂ ਆਉਣ  ਦਿੱਤੀ  ਜਾਵੇਗੀ। ਪਿਛਲੇ ਦਿਨੀਂ ਗ੍ਰਹਿ ਮੰਤਰੀ ਦੀ ਪੰਜਾਬ ਫੇਰੀ ਦਾ ਹਵਾਲਾ ਦਿੰਦਿਆਂ ਉਨ੍ਹਾਂ ਕਿਹਾ ਕਿ ਗ੍ਰਹਿ ਮੰਤਰੀ ਦੀ ਰੈਲੀ ਤੋਂ ਲੋਕਾਂ ਨੂੰ ਵੱਡੇ ਐਲਾਨ ਦੀ ਉਮੀਦ ਸੀ ਪਰ ਕੇਂਦਰੀ ਮੰਤਰੀ ਦੇ ਖਾਲੀ ਪਰਤਣ ਨਾਲ ਲੋਕਾਂ ਦੀਆਂ ਉਮੀਦਾਂ ਤੇ ਪਾਣੀ ਫਿਰ ਗਿਆ ਹੈ।