ਮਲੋਟ ਸਿਵਲ ਹਸਪਤਾਲ ’ਚ ਡਾਕਟਰਾਂ ਦੀ ਕਮੀ/ ਦੂਸਰੇ ਸ਼ਹਿਰਾਂ ’ਚ ਜਾ ਰਹੇ ਨੇ ਮਰੀਜ਼/ ਲਗਾਤਾਰ ਘੱਟ ਰਹੀ ਹਸਪਤਾਲ ਦੀ ਓਪੀਡੀ

ਮਲੋਟ ਸਿਵਲ ਹਸਪਤਾਲ ’ਚ ਸਿਹਤ ਵਿਭਾਗ ਡਾਕਟਰਾਂ ਦੀ ਕਮੀ ਨੂੰ ਪੂਰਾ ਕਰਨ ’ਚ ਅਸਮਰੱਥ ਹੈ, ਜਿਸ ਕਾਰਨ ਮਰੀਜ਼ਾਂ ਨੂੰ ਨਿੱਜੀ ਹਸਪਤਾਲਾਂ ਵਿੱਚ ਜਾ ਰਹੇ ਹਨ। ਕਦੇ ਸੂਬੇ ਵਿਚੋਂ ਪਹਿਲੇ ਸਥਾਨ ’ਤੇ ਰਹਿਣ ਵਾਲੀ ਮਲੋਟ ਸਿਵਲ ਹਸਪਤਾਲ ਦੀ ਓਪੀਡੀ ਵੀ ਲਗਾਤਾਰ ਘਟਦੀ ਜਾ ਰਹੀ ਹੈ। ਇਸਦਾ ਕਾਰਨ ਮਾਹਿਰ ਡਾਕਟਰਾਂ ਦੀ ਘਾਟ ਹੈ। ਐਸਐਮਓ ਵੱਲੋਂ ਦਿੱਤੀ ਜਾਣਕਾਰੀ ਅਨੁਸਾਰ ਐਮਰਜੈਂਸੀ ਮੈਡੀਕਲ ਅਫਸਰਾਂ ਲਈ ਮਨਜ਼ੂਰਸ਼ੁਦਾ 27 ਅਸਾਮੀਆਂ ਹਨ, ਜਿਨ੍ਹਾਂ ਵਿਚੋਂ ਸਿਰਫ 6 ਡਾਕਟਰ ਹੀ ਤੈਨਾਤ ਨੇ।

ਹਸਪਤਾਲ ਦੇ ਐਸਐਮਓ ਦੀ ਜਾਣਕਾਰੀ ਅਨੁਸਾਰ ਐਮਰਜੈਂਸੀ ਮੈਡੀਕਲ ਅਫਸਰਾਂ ਲਈ ਮਨਜ਼ੂਰਸ਼ੁਦਾ 27 ਅਸਾਮੀਆਂ ਵਿੱਚੋਂ ਇਸ ਵੇਲੇ ਸਿਰਫ਼ ਛੌ ਤਾਇਨਾਤ ਹਨ ਜੋ 24 ਘੰਟੇ ਸੇਵਾਵਾਂ ਪ੍ਰਦਾਨ ਕਰਦੇ ਹਨ। ਦੰਦਾਂ ਦੇ ਡਾਕਟਰ ਦੀ ਅਸਾਮੀ 2020 ਤੋਂ ਖਾਲੀ ਹੈ। ਦੋ ਸਰਜਨ/ਮੈਡੀਸਨ ਅਸਾਮੀਆਂ ਵੀ ਖਾਲੀ ਹਨ। ਸਿਰਫ਼ ਇੱਕ ਆਰਥੋਪੀਡਿਕ ਮਾਹਰ ਅਸਾਮੀ ਹੈ, ਪਰ ਇਸ ਡਾਕਟਰ ਨੂੰ ਤਿੰਨ ਦਿਨਾਂ ਲਈ ਗਿੱਦੜਬਾਹਾ ’ਚ ਤਾਇਨਾਤ ਕੀਤਾ ਗਿਆ ਸੀ। ਦੋ ਗਾਇਨੀਕੋਲੋਜਿਸਟ ਅਸਾਮੀ ’ਚੋਂ ਇੱਕ ਖਾਲੀ ਹੈ। ਇੱਕੋ ਇੱਕ ਰੇਡੀਓਲੋਜਿਸਟ ਅਸਾਮੀ ਵੀ ਖਾਲੀ ਹੈ। ਚਮੜੀ ਦੇ ਮਾਹਰ ਅਸਾਮੀ ਵੀ ਖਾਲੀ ਹੈ। ਇਸ ਤੋਂ ਇਲਾਵਾ, ਬਹੁਤ ਸਾਰੇ ਡਾਕਟਰ ਅਦਾਲਤੀ ਡਿਊਟੀ ਜਾਂ ਛੁੱਟੀ ‘ਤੇ ਹਨ। ਨਤੀਜੇ ਵਜੋਂ, ਹਸਪਤਾਲ ਦਾ ਆਊਟਪੇਸ਼ੈਂਟ ਵਿਭਾਗ (OPD) ਹਰ ਮਹੀਨੇ ਘਟ ਰਿਹਾ ਹੈ।