ਜਲੰਧਰ ’ਚ ਦਿਨ ਦਿਹਾੜੇ ਚੋਰੀ/ ਤਿਜੌਰੀ ਤੋਂ ਪੈਸੇ ਲੈ ਕੇ ਚੋਰ ਫਰਾਰ/ ਘਟਨਾ ਸੀਸੀਟੀਵੀ ’ਚ ਕੈਦ

ਸ਼ਹਿਰ ਵਿੱਚ ਚੋਰੀਆਂ ਦੀ ਗਿਣਤੀ ਲਗਾਤਾਰ ਵੱਧ ਰਹੀ ਹੈ। ਤਾਜ਼ਾ ਘਟਨਾ ਮਕਸੂਦਾ ਸਬਜ਼ੀ ਮੰਡੀ ਦੀ ਇੱਕ ਦੁਕਾਨ ‘ਤੇ ਵਾਪਰੀ, ਜਿੱਥੇ ਇੱਕ ਚੋਰ ਦੁਕਾਨ ਦੀ ਤਿਜੋਰੀ ਤੋਂ ਪੈਸੇ ਲੈ ਕੇ ਫਰਾਰ ਹੋ ਗਿਆ। ਇਹ ਘਟਨਾ ਉੱਥੇ ਲੱਗੇ ਸੀਸੀਟੀਵੀ ਕੈਮਰੇ ਵਿੱਚ ਰਿਕਾਰਡ ਹੋਈ। ਸੀਸੀਟੀਵੀ ਫੁਟੇਜ ਵਿੱਚ ਚੋਰ ਦੀ ਤਸਵੀਰ ਸਾਫ਼ ਦਿਖਾਈ ਦੇ ਰਹੀ ਹੈ, ਜਿਸ ਵਿਚ ਚੋਰ ਕਾਊਂਟਰ ਤੇ ਚੜ੍ਹ ਕੇ ਤਿਜ਼ੌਰੀ ਵਿਚੋਂ ਨਕਦੀ ਲੈ ਕੇ ਫਰਾਰ ਹੁੰਦਾ ਦਿਖਾਈ ਦੇ ਰਿਹਾ ਐ।

ਜਿਵੇਂ ਹੀ ਚੋਰ ਪੈਸੇ ਕੱਢਦਾ ਹੈ, ਦੁਕਾਨਦਾਰ ਬਾਹਰ ਆ ਜਾਂਦਾ ਹੈ, ਅਤੇ ਚੋਰ ਮੌਕੇ ਤੋਂ ਭੱਜ ਜਾਂਦਾ ਹੈ। ਹਾਲਾਂਕਿ, ਘਟਨਾ ਦੌਰਾਨ ਇੱਕ ਮੋਟਰਸਾਈਕਲ ਸਵਾਰ ਦੁਕਾਨ ‘ਤੇ ਰੁਕਦਾ ਹੈ, ਪਰ ਉਦੋਂ ਤੱਕ ਚੋਰ ਭੱਜ ਚੁੱਕਾ ਹੁੰਦਾ ਹੈ। ਦੁਕਾਨਦਾਰ ਨੇ ਪੁਲਿਸ ਸ਼ਿਕਾਇਤ ਦਰਜ ਕਰਵਾਈ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਚੋਰ ਨੂੰ ਜਲਦੀ ਹੀ ਗ੍ਰਿਫ਼ਤਾਰ ਕਰ ਲਿਆ ਜਾਵੇਗਾ।

ਪੀੜਤ ਨੇ ਦੱਸਿਆ ਕਿ ਉਹ 50,000 ਰੁਪਏ ਨਕਦ ਲੈ ਕੇ ਫਰਾਰ ਹੋ ਗਿਆ ਹੈ। ਮਕਸੂਦਨ ਸਬਜ਼ੀ ਮੰਡੀ ਇਲਾਕੇ ਵਿੱਚ ਇੱਕ ਬੇਕਰੀ ਦੇ ਮਾਲਕ ਪਾਰਸ ਨੇ ਦੱਸਿਆ ਕਿ ਉਸ ਦੁਪਹਿਰ ਦੁਕਾਨ ‘ਤੇ ਦੁੱਧ ਦੀ ਡਿਲੀਵਰੀ ਕਰਨ ਵਾਲਾ ਆਇਆ ਸੀ। ਉਹ ਅੰਦਰ ਦੁੱਧ ਦੀਆਂ ਟ੍ਰੇਆਂ ਨੂੰ ਪ੍ਰਬੰਧ ਕਰਨ ਵਿੱਚ ਰੁੱਝਿਆ ਹੋਇਆ ਸੀ ਜਦੋਂ ਇੱਕ ਨੌਜਵਾਨ ਦੁਕਾਨ ਵਿੱਚ ਦਾਖਲ ਹੋਇਆ। ਆਲੇ-ਦੁਆਲੇ ਕੋਈ ਨਾ ਹੋਣ ਦਾ ਫਾਇਦਾ ਉਠਾਉਂਦੇ ਹੋਏ, ਨੌਜਵਾਨ ਨੇ ਕੈਸ਼ ਬਾਕਸ ਵਿੱਚ ਹੱਥ ਪਾਇਆ ਅਤੇ ਲਗਭਗ 50,000 ਰੁਪਏ ਨਕਦ ਕੱਢ ਲਏ।

ਪਾਰਸ ਦੇ ਅਨੁਸਾਰ, ਉਸਨੂੰ ਕੁਝ ਦੇਰ ਬਾਅਦ ਅਹਿਸਾਸ ਹੋਇਆ ਕਿ ਕੈਸ਼ ਬਾਕਸ ਵਿੱਚੋਂ ਪੈਸੇ ਗਾਇਬ ਸਨ। ਉਸਨੇ ਤੁਰੰਤ ਨੌਜਵਾਨ ਨੂੰ ਜਾਂਦੇ ਹੋਏ ਦੇਖਿਆ ਅਤੇ ਉਸਦਾ ਪਿੱਛਾ ਕੀਤਾ, ਪਰ ਦੋਸ਼ੀ ਭੀੜ ਵਾਲੇ ਇਲਾਕੇ ਦਾ ਫਾਇਦਾ ਉਠਾਉਂਦੇ ਹੋਏ ਭੱਜ ਗਿਆ। ਘਟਨਾ ਤੋਂ ਬਾਅਦ, ਦੁਕਾਨ ‘ਤੇ ਦਹਿਸ਼ਤ ਫੈਲ ਗਈ। ਮੌਕੇ ਤੇ ਇਕੱਠਾ ਹੋਏ ਦੁਕਾਨਦਾਰਾਂ ਨੇ ਪੁਲਿਸ ਤੋਂ ਚੋਰਾਂ ਖਿਲਾਫ ਸਿਕੰਜਾ ਕੱਸਣ ਦੀ ਮੰਗ ਕੀਤੀ ਐ।