ਸੰਗਰੂਰ ਦੇ ਲੌਂਗੋਵਾਲ ਸਕੂਲ ’ਚ ਦੋ ਬੱਚੇ ਲਾਪਤਾ; ਸਕੂਲ ਲੇਟ ਪਹੁੰਚਣ ਤੋਂ ਬਾਅਦ ਹੋਏ ਸੀ ਫਰਾਰ; ਪੁਲਿਸ ਨੇ ਬੱਚਿਆਂ ਨੂੰ ਲੱਭ ਕੇ ਕੀਤਾ ਵਾਰਿਸਾਂ ਹਵਾਲੇ

ਸੰਗਰੂਰ ਅਧੀਨ ਆਉਂਦੇ ਲੌਂਗੋਵਾਲ ਸਕੂਲ ਵਿਚ ਅੱਜ ਮਾਹੌਲ ਉਸ ਵੇਲੇ ਚਿੰਤਾ ਵਾਲਾ ਬਣ ਗਿਆ ਜਦੋਂ ਸਕੂਲ ਦੇ ਦੋ 11 ਤੇ 12 ਸਾਲ ਦੇ ਬੱਚੇ ਅਚਾਨਕ ਲਾਪਤਾ ਹੋ ਗਏ। ਜਾਣਕਾਰੀ ਅਨੁਸਾਰ ਦੋਵੇਂ ਬੱਚੇ ਸਕੂਲ ਲੇਟ ਪਹੁੰਚਣ ਦੇ ਚਲਦਿਆਂ ਡਰ ਕੇ ਬੱਸ ਰਾਹੀਂ ਲਹਿਰਾ ਬੱਸ ਅੱਡੇ ’ਤੇ ਜਾ ਪਹੁੰਚੇ ਸਨ ਜਿੱਥੋਂ ਪੁਲਿਸ ਨੇ ਉਨ੍ਹਾਂ ਨੂੰ ਬਰਾਮਦ ਕਰ ਕੇ ਵਾਰਿਸਾਂ ਹਵਾਲੇ ਕਰ ਦਿੱਤਾ ਐ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਡੀਐਸਪੀ ਦੀਪ ਇੰਦਰ ਸਿੰਘ ਜੇਜੀ ਨੇ ਕਿਹਾ ਕਿ ਦੋਵੇਂ ਬੱਚੇ ਲਹਿਰਾ ਬੱਸ ਅੱਡੇ ਤੇ ਸ਼ੱਕੀ ਹਾਲਤ ਵਿਚ ਵੇਖੇ ਗਏ ਸੀ, ਜਿਨ੍ਹਾਂ ਦੀ ਜਾਂਚ ਦੌਰਾਨ ਸਾਹਮਣੇ ਆਇਆ ਕਿ ਇਹ ਬੱਚੇ ਸਕੂਲ ਵਿਚ ਲੇਟ ਹੋਣ ਦੇ ਚਲਦਿਆਂ ਡਰ ਕੇ ਇੱਥੇ ਆਏ ਹਨ। ਪੁਲਿਸ ਨੇ ਬੱਚਿਆਂ ਨੂੰ ਮਾਪਿਆਂ ਹਵਾਲੇ ਕਰ ਦਿੱਤਾ ਐ।