ਹੁਸ਼ਿਆਰਪੁਰ ’ਚ ਟਰੱਕ ਨੂੰ ਬਚਾਉਂਦਿਆਂ ਪਲਟੀ ਰੋਡਵੇਜ ਦੀ ਬੱਸ; ਡਰਾਈਵਰ ਜ਼ਖਮੀ, ਸਵਾਰੀਆਂ ਦਾ ਹੋਇਆ ਬਚਾਅ

ਹੁਸ਼ਿਆਰਪੁਰ ਦੇ ਪੁਰਹੀਰਾਂ ਬਾਈਪਾਸ ਨੇੜੇ ਪੰਜਾਬ ਰੋਡਵੇਜ ਦੀ ਬੱਸ ਦੇ ਹਾਦਸਾਗ੍ਰਸਤ ਹੋਣ ਦੀ ਖਬਰ ਸਾਹਮਣੇ ਆਈ ਐ। ਗਨੀਮਤ ਇਹ ਰਹੀ ਕਿ ਇਸ ਹਾਦਸੇ ਵਿਚ ਬੱਸ ਦੇ ਡਰਾਈਵਰ ਦੇ ਮਾਮੂਲੀ ਸੱਟਾਂ ਲੱਗੀਆਂ ਨੇ ਜਦਕਿ ਸਵਾਰੀਂਆਂ ਦਾ ਬਚਾਅ ਰਿਹਾ ਐ। ਡਰਾਈਵਰ ਦੇ ਦੱਸਣ ਮੁਤਾਬਕ ਇਹ ਹਾਦਸਾ ਦੋ ਟਰੱਕਾਂ ਵੱਲੋਂ ਇਕ ਕਾਰ ਨੂੰ ਓਵਰਟੇਕ ਦੀ ਕੋਸ਼ਿਸ਼ ਦੌਰਾਨ ਵਾਪਰਿਆਂ ਐ। ਬੱਸ ਦੇ ਡਰਾਈਵਰ ਦੇ ਦੱਸਣ ਮੁਤਾਬਕ ਸਾਹਮਣੇ ਤੋਂ ਆ ਰਹੇ ਟਰੱਕ ਨੂੰ ਬਚਾਉਂਦਿਆਂ ਉਸ ਦੀ ਬੱਸ ਖੇਤਾਂ ਵਿਚ ਜਾ ਕੇ ਪਲਟ ਗਈ। ਘਟਨਾ ਦੀ ਸੂਚਨਾ ਮਿਲਣ ਬਾਅਦ ਮੌਕੇ ਤੇ ਪਹੁੰਚੀ ਪੁਲਿਸ ਨੇ ਹਾਦਸਾ ਗ੍ਰਸਤ ਬੱਸ ਦੇ ਡਰਾਈਵਰ ਦੇ ਬਿਆਨਾਂ ਤੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਐ।