ਗੁਰਦਾਸਪੁਰ ਦੀ ਹਯਾਤ ਨਗਰ ਕਾਲੋਨੀ ’ਚ ਆਹਮੋ-ਸਾਮ੍ਹਣੇ ਹੋਈਆਂ ਧੋ ਧਿਰਾਂ; ਗੁਰਦੁਆਰਾ ਸਾਹਿਬ ਬਣਾਉਣ ਦੀ ਜਗ੍ਹਾਂ ਨੂੰ ਲੈ ਕੇ ਟਕਰਾਅ, ਵੀਡੀਓ ਵਾਇਰਲ

ਗੁਰਦਾਸਪੁਰ ਦੇ ਹਰਦੋਸ਼ਨੀਆ ਰੋਡ ਤੇ ਸਥਿਤ ਹਯਾਤ ਨਗਰ ਕਲੋਨੀ ਵਿੱਚ ਅੱਜ ਉਸ ਵੇਲੇ ਮਾਹੌਲ ਤਨਾਅ ਪੂਰਨ ਹੋ ਗਿਆ ਜਦ ਗੁਰਦੁਆਰਾ ਸਾਹਿਬ ਬਣਾਉਣ ਨੂੰ ਲੈ ਕੇ ਖਰੀਦੀ ਜ਼ਮੀਂਨ ਅਤੇ ਰਸਤੇ ਨੂੰ ਲੈ ਕੇ ਦੋ ਧਿਰਾਂ ਆਹਮੋ ਸਾਹਮਣੇ ਹੋ ਗਈਆਂ, ਜਿਸ ਦੀ ਵੀਡੀਓ ਵੀ ਵਾਇਰਲ ਹੋਈ ਹੈ। ਕਲੋਨੀ ਵਾਸੀਆਂ ਦਾ ਇਲਜਾਮ ਐ ਕਿ ਉਨ੍ਹਾਂ ਨੇ 30 ਮਰਲੇ ਥਾਂ ਗੁਰਦੁਆਰਾ ਸਾਹਿਬ ਲਈ ਖਰੀਦੀ ਸੀ, ਜਿਸ ਦੇ 20 ਮਰਲੇ ਦੀ ਰਜਿਸਟਰੀ ਹੋ ਗਈ ਚੁੱਕੀ ਐ ਤੇ 10 ਮਰਲੇ ਥਾਂ ਕਿਸੇ ਹੋਰ ਨੂੰ ਵੇਚ ਦਿੱਤੀ ਐ, ਜਿਸ ਕਾਰਨ ਰਸਤਾ ਬੰਦ ਹੋ ਗਿਆ ਐ। ਉਨ੍ਹਾਂ ਪ੍ਰਸ਼ਾਸਨ ਤੇ ਨਿਹੰਗ ਜਥੇਬੰਦੀਆਂ ਅੱਗੇ ਮਦਦ ਲਈ ਗੁਹਾਰ ਲਗਾਈ ਐ। ਉਧਰ ਦੂਜੀ ਧਿਰ ਨੇ ਦੋਸ਼ ਨਕਾਰਦਿਆਂ ਕਿਹਾ ਕਿ ਇਨ੍ਹਾਂ ਤੋਂ ਰਜਿਸਟਰੀ ਲਈ ਪੈਸੇ ਇਕੱਤਰ ਨਹੀਂ ਹੋਏ, ਜਿਸ ਕਾਰਨ ਉਨ੍ਹਾਂ ਨੇ ਥਾਂ ਹੋਰ ਥਾਂ ਵੇਚੀ ਐ। ਦੋਵੇਂ ਧਿਰਾਂ ਨੇ ਪੁਲਿਸ ਤਕ ਪਹੁੰਚ ਕਰ ਕੇ ਇਨਸਾਫ ਮੰਗਿਆ ਐ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਐ।

ਪਿੰਡ ਹਯਾਤ ਨਗਰ ਕਲੋਨੀ ਦੇ ਵਾਸੀਆਂ ਦਾ ਇਲਜਾਮ ਐ ਕਿ ਉਨ੍ਹਾਂ ਨੇ ਗੁਰਦੁਆਰਾ ਸਾਹਿਬ ਬਣਾਉਣ ਲਈ 30 ਮਰਲੇ ਦਾ ਪਲਾਟ ਲਈ ਸਾਡੇ ਵੱਲੋਂ ਕਲੋਨੀ ਨਿਵਾਸੀ ਹੀ ਇੱਕ ਵਿਅਕਤੀ ਨੂੰ 17 ਲੱਖ 86,000 ਕੈਸ਼ ਅਤੇ ਕਲੋਨੀ ਮਾਲਕ ਡੀਲਰਾ ਵੱਲੋਂ ਦਸ ਮਰਲੇ ਦਾ ਪਲਾਟ ਅਤੇ 2 ਲੱਖ ਰੁਪਿਆ ਦਿੱਤਾ ਗਿਆ ਸੀ ਜੋ ਅਸੀਂ ਕਲੋਨੀ ਵਾਸੀਆਂ ਨੇ ਕਮੇਟੀਆਂ ਪਾ ਕੇ ਅਤੇ ਉਗਰਾਹੀ ਕਰਕੇ ਗੁਰਦੁਆਰਾ ਬਣਾਉਣ ਲਈ ਪੈਸਾ ਇਕੱਠਾ ਕੀਤਾ ਸੀ। ਆਪਣੇ ਗੁਆਂਡੀ ਤਰਸੇਮ ਸਿੰਘ ਨੂੰ ਦਿੱਤੇ ਸੀ ਪਰ ਉਸਨੇ ਪਹਿਲਾਂ ਆਪਣੇ ਨਾਂ ਦੇ ਉੱਪਰ ਬਿਆਨਾ ਕਰਵਾ ਲਿਆ ਫਿਰ ਸਾਨੂੰ ਬਿਨਾਂ ਦੱਸੇ 20 ਮਰਲੇ ਦੀ ਰਜਿਸਟਰੀ ਗੁਰਦੁਆਰਾ ਸਾਹਿਬ ਦੇ ਨਾਮ ਤੇ ਕਰਵਾ ਦਿੱਤੀ ਅਤੇ ਦਸ ਮਰਲੇ ਪਲਾਟ ਕਿਸੇ ਹੋਰ ਨੂੰ ਵੇਚ ਦਿੱਤਾ ਜਦਕਿ ਅਸੀਂ 30 ਮਰਲੇ ਦੇ ਪੈਸੇ ਉਹਨਾਂ ਨੂੰ ਦਿੱਤੇ ਸਨ। ਅਤੇ ਅੱਜ ਗੁਰਦੁਆਰਾ ਸਾਹਿਬ ਨੂੰ ਜਾਣ ਵਾਲੇ ਰਸਤੇ ਦੀ ਗਲੀ ਨੂੰ ਵੀ ਉਹ ਬੰਦ ਕਰਨ ਲੱਗਾ ਸੀ ਜਿਸ ਦੇ ਵਿਰੋਧ ਵਿੱਚ ਅੱਜ ਅਸੀਂ ਇਕੱਠੇ ਹੋਏ ਹਾਂ। ਜਿੱਥੇ ਉਹਨਾਂ ਨੇ ਪ੍ਰਸ਼ਾਸਨ ਅਤੇ ਨਿਹੰਗ ਜਥੇਬੰਦੀਆਂ ਤੋਂ ਗੁਹਾਰ ਲਗਾਈ ਹੈ ਕਿ ਇਸ ਗੁਰਦੁਆਰੇ ਬਣਾਉਣ ਵਾਸਤੇ ਉਹਨਾਂ ਦੀ ਮਦਦ ਕੀਤੀ ਜਾਵੇ ਅਤੇ ਉਨਾਂ ਨੂੰ ਇਨਸਾਫ ਦਿਲਾਇਆ ਜਾਵੇ

ਉਧਰ ਦੂਜੀ ਧਿਰ ਦੇ ਤਰਸੇਮ ਸਿੰਘ ਨੇ ਦੋਸ਼ ਨਕਾਰਦਿਆਂ ਕਿਹਾ ਕਿ  ਇਹ ਜਗਹਾ ਉਹਨਾਂ ਨੇ ਪਹਿਲਾਂ ਇੱਕ ਮਹੀਨਾ ਪਹਿਲਾਂ ਖਰੀਦੀ ਸੀ ਪਰ ਇਹ ਸਾਡੇ ਆਂਡੀਆਂ ਗੁਆਂਢੀਆਂ ਨੇ ਫਿਰ ਮੈਨੂੰ ਕਿਹਾ ਕਿ ਸਾਨੂੰ ਗੁਰਦੁਆਰਾ ਬਣਾਉਣ ਵਾਸਤੇ ਇਹ ਜਗ੍ਹਾ ਦੇ ਦੇਵੋ। ਉਹਨਾਂ ਨੇ ਕਿਹਾ ਕਿ ਇਹਨਾਂ ਵੱਲੋਂ ਇਹ ਕਿਹਾ ਗਿਆ ਸੀ ਕਿ ਅਸੀਂ ਛੇ ਮਹੀਨੇ ਲਗਾਤਾਰ 20 ਹਜਾਰ ਦੇ ਹਿਸਾਬ ਨਾਲ ਗਰਾਹੀ ਇਕੱਠੀ ਕਰਕੇ ਦਿੰਦੇ ਰਵਾਂਗੇ ਪਰ ਇਹਨਾਂ ਨੇ ਬਾਅਦ ਵਿੱਚ ਉਗਰਾਹੀ ਦੇਣੀ ਬੰਦ ਕਰ ਦਿੱਤੀ ਇਹਨਾਂ ਕੋਲੋਂ ਪੈਸੇ ਇਕੱਠੇ ਨਹੀਂ ਹੋਏ ਅਤੇ ਅਸੀਂ ਫਿਰ ਰਜਿਸਟਰੀ ਕਰਵਾਉਣੀ ਸੀ ਜਿਸ ਦਾ ਟਾਈਮ ਲੰਘ ਰਿਹਾ ਸੀ।  ਫਿਰ ਇਹੋ ਸੰਗਤ ਵੱਲੋਂ ਕਿਹਾ ਗਿਆ ਸੀ ਕਿ ਦਸ ਮਰਲੇ ਜਗਹਾ ਵਿੱਚੋਂ ਵੇਚ ਕੇ ਅਤੇ 10 ਮੁਰਲੇ ਜਗਹਾ ਇੱਥੋਂ ਵੇਚ ਕੇ ਅਤੇ ਦਸ ਮਹੱਲੇ ਦਾਨ ਕੀਤੀ ਹੋਈ ਜਗ੍ਹਾ ਵੇਚ ਕੇ ਗੁਰਦੁਆਰਾ ਸਾਹਿਬ ਵੀ ਮਰਲੇ ਵਿੱਚ ਬਣਾ ਦਿੱਤਾ ਜਾਵੇ।  ਮੈਂ ਵੀ ਮਰਲੇ ਦੀ ਰਜਿਸਟਰੀ ਗੁਰਦੁਆਰਾ ਸਾਹਿਬ ਦੇ ਨਾਂ ਤੇ ਕਰਵਾਈ।

ਉਨ੍ਹਾਂ ਕਿਹਾ ਕਿ ਜਿਹੜਾ ਇਹ ਦੀਵਾਰ ਵਾਲੀ ਗੱਲ ਕਰ ਰਹੇ ਹਨ ਉਹ ਦੂਸਰੀ ਕਲੋਨੀ ਦੀ ਜਗ੍ਹਾ ਹੈ ਗੁਰਦੁਆਰਾ ਸਾਹਿਬ ਦੂਸਰੀ ਕਲੋਨੀ ਵਿੱਚ ਪੈਂਦਾ ਹੈ ਅਤੇ ਇਹ ਕਲੋਨੀ ਦੂਸਰੀ ਕਲੋਨੀ ਵਿੱਚ ਪੈਂਦੀ ਹੈ ਜਿਸ ਦਾ ਇੱਥੇ ਕੋਈ ਰਸਤਾ ਨਹੀਂ ਹੈ। ਬਾਕੀ ਇਹ ਲੋਕ ਮੈਨੂੰ ਅਪਸ਼ਬਦ ਬੋਲਦੇ ਹਨ,  ਜਿਸ ਸਬੰਧੀ ਮੈਂ ਪ੍ਰਸ਼ਾਸਨ ਅੱਗੇ ਬੇਨਤੀ ਕਰਦਾ ਹਾਂ ਕਿ ਸਾਨੂੰ ਇਨਸਾਫ ਦਿੱਤਾ ਜਾਵੇ। ਉਧਰ ਸਦਰ ਥਾਣੇ ਦੇ ਐਸਐਚ ਓ ਅਮਨਦੀਪ ਸਿੰਘ ਨੇ ਦੱਸਿਆ ਕਿ ਅਸੀਂ ਸਵੇਰੇ ਮੌਕੇ ਤੇ ਘਟਨਾ ਤੇ ਪਹੁੰਚੇ ਸੀ ਅਸੀਂ ਸਾਨਬੀਨ ਕਰ ਰਹੇ ਹਾਂ ਜਿਹੜਾ ਵੀ ਦੋਸ਼ੀ ਪਾਇਆ ਗਿਆ ਉਸ ਦੇ ਉੱਪਰ ਬਣਦੀ ਕਾਰਵਾਈ ਕੀਤੀ ਜਾਵੇਗੀ।