ਖਰੜ ਨਗਰ ਕੌਂਸਲ ਅਧੀਨ ਆਉਂਦੇ ਪਿੰਡ ਖੁੰਨੀ ਮਾਜਰੇ ਦੇ ਲੋਕਾਂ ਦੇ ਲੋਕਾਂ ਅੰਦਰ ਸੜਕਾਂ ਦੀ ਮੰਦੀ ਹਾਲਤ ਨੂੰ ਲੈ ਕੇ ਸਰਕਾਰ ਖਿਲਾਫ ਭਾਰੀ ਗੁੱਸਾ ਪਾਇਆ ਜਾ ਰਿਹਾ ਐ। ਇਸੇ ਨੂੰ ਲੈ ਕੇ ਅੱਜ ਪਿੰਡ ਵਾਸੀਆਂ ਨੇ ਇਕੱਠੇ ਹੋ ਕੇ ਖਰੜ ਨਗਰ ਕੌਂਸਲ ਅਤੇ ਸਰਕਾਰ ਖਿਲਾਫ ਜੰਮ ਕੇ ਨਾਅਰੇਬਾਜ਼ੀ ਕੀਤੀ। ਮੀਡੀਆ ਨੂੰ ਪਿੰਡ ਦੀਆਂ ਸੜਕਾਂ ਦਿਖਾਉਂਦਿਆਂ ਲੋਕਾਂ ਨੇ ਕਿਹਾ ਕਿ ਸਰਕਾਰ ਨੇ ਪਿੰਡ ਦੀ ਅਰਬਾਂ ਰੁਪਏ ਦੀ ਜ਼ਮੀਨ ਆਪਣੇ ਅਧੀਨ ਲੈ ਲਈ ਐ ਪਰ ਪਿੰਡ ਦੇ ਵਿਕਾਸ ਤੇ ਇਕ ਧੇਲਾ ਵੀ ਨਹੀਂ ਖਰਚਿਆਂ।
ਪਿੰਡ ਵਾਸੀਆਂ ਦਾ ਕਹਿਣਾ ਐ ਕਿ ਪੰਚਾਇਤ ਸਮੇਂ ਚੰਗੇ ਕੰਮ ਹੋ ਰਹੀ ਸੀ ਪਰ ਨਗਰ ਨਿਗਮ ਅਧੀਨ ਆਉਣ ਬਾਅਦ ਹਾਲਾਤ ਵਿਗੜ ਗਏ ਨੇ। ਉਨ੍ਹਾਂ ਕਿਹਾ ਕਿ ਨਗਰ ਨਿਗਮ ਨੂੰ 15 ਦਿਨ ਦਾ ਅਲਟੀਮੇਟਮ ਦਿੱਤਾ ਗਿਆ ਐ ਅਤੇ ਜੇਕਰ ਸੜਕਾਂ ਦੀ ਹਾਲਤ ਨਾ ਸੁਧਾਰੀ ਤਾਂ ਉਹ ਨੈਸ਼ਨਲ ਹਾਈਵੇ ਜਾਮ ਕਰਨ ਲਈ ਮਜਬੂਰ ਹੋਣਗੇ।
