ਮੰਡੀਆਂ ’ਚ ਕਣਕ ਦੀ ਸਰਕਾਰੀ ਖ਼ਰੀਦ ਦਾ ਕੰਮ ਮੁਕੰਮਲ/ ਮੰਡੀਆਂ ’ਚ ਪਹੁੰਚੀ 130 ਲੱਖ 3 ਹਜ਼ਾਰ ਐਮ.ਪੀ. ਕਣਕ/ ਖੁਰਾਕ ਮੰਤਰੀ ਲਾਲ ਚੰਦ ਕਟਾਰੂਚੱਕ ਨੇ ਸਾਂਝਾ ਕੀਤੀ ਜਾਣਕਾਰੀ

ਪੰਜਾਬ ਦੀਆਂ ਮੰਡੀਆਂ ਅੰਦਰ ਕਣਕ ਦੀ ਸਰਕਾਰੀ ਖਰੀਦ ਦਾ ਕੰਮ ਮੁਕੰਮਲ ਹੋ ਗਿਆ ਐ। ਪੰਜਾਬ ਦੇ ਖੁਰਾਕ ਮੰਤਰੀ ਲਾਲ ਚੰਦ ਕਟਾਰੂਚੱਕ ਨੇ ਚੰਡੀਗੜ੍ਹ ਵਿਖੇ ਪ੍ਰੈੱਸ ਕਾਨਫਰੰਸ ਕਰ ਕੇ ਕਣਕ ਦੀ ਖਰੀਦ ਬਾਰੇ ਵੇਰਵੇ ਸਾਂਝੇ ਕੀਤੇ ਨੇ। ਉਨ੍ਹਾਂ ਕਿਹਾ ਕਿ ਪੰਜਾਬ ਸਰਕਾਰ ਨੇ ਕਿਸਾਨਾਂ ਨਾਲ ਕੀਤੇ ਵਾਅਦੇ ਮੁਤਾਬਕ ਮੰਡੀਆਂ ਵਿਚ ਕਣਕ ਦੀ ਖਰੀਦ ਦੇ ਸੀਜਨ ਨੂੰ ਨਿਰਵਿਘਣ ਖਰੀਦ ਕਰਕੇ ਪੂਰਾ ਕੀਤਾ ਐ। ਉਨ੍ਹਾਂ ਕਿਹਾ ਕਿ ਸਰਕਾਰ ਨੇ ਮੰਡੀਆਂ ਵਿਚੋਂ ਕਣਕ ਦੀ ਲੀਫਟਿੰਗ ਤੋਂ ਇਲਾਵਾ ਵਾਅਦੇ ਮੁਤਾਬਕ ਕਿਸਾਨਾਂ ਦੇ ਖਾਤਿਆਂ ਵਿਚ ਰਕਮ ਪਾ ਦਿੱਤੀ ਐ। ਡੇਢ ਮਹੀਨੇ ਤਕ ਚੱਲੀ ਕਣਕ ਦੀ ਖਰੀਦ  ਦੌਰਾਨ, 7 ਲੱਖ 24 ਹਜ਼ਾਰ 405 ਕਿਸਾਨ ਆਪਣੀਆਂ ਫਸਲਾਂ ਲੈ ਕੇ ਮੰਡੀਆਂ ਵਿੱਚ ਪਹੁੰਚੇ। ਜਦੋਂ ਕਿ 130 ਲੱਖ 3 ਹਜ਼ਾਰ ਐਮ.ਪੀ. ਕਣਕ ਮੰਡੀ ਵਿੱਚ ਪਹੁੰਚੀ । ਇਸ ਵਿੱਚੋਂ ਸਰਕਾਰੀ ਏਜੰਸੀਆਂ ਨੇ 119 ਲੱਖ 23 ਹਜ਼ਾਰ 600 ਮੀਟ੍ਰਿਕ ਟਨ ਖਰੀਦਿਆ ਹੈ। ਨਿੱਜੀ ਵਪਾਰੀਆਂ ਨੇ 10 ਲੱਖ 79 ਹਜ਼ਾਰ ਮੀਟ੍ਰਿਕ ਟਨ ਖਰੀਦਿਆ ਹੈ।  ਖੁਰਾਕ ਸਪਲਾਈ ਮੰਤਰੀ ਨੇ ਕਿਹਾ ਕਿ 28,500 ਕਰੋੜ ਰੁਪਏ ਦਾ ਭੁਗਤਾਨ ਕੀਤਾ ਗਿਆ ਹੈ। ਇਹ ਅਦਾਇਗੀ ਸਿੱਧੇ ਕਿਸਾਨਾਂ ਦੇ ਖਾਤਿਆਂ ਵਿੱਚ ਪਹੁੰਚ ਗਈ ਹੈ। ਮੰਤਰੀ ਨੇ ਕਿਹਾ ਕਿ ਹੁਣ ਤੱਕ ਜੋ ਵੀ ਕਣਕ ਖਰੀਦੀ ਗਈ ਹੈ। ਉਸ ਵਿੱਚੋਂ 104 ਲੱਖ 51 ਹਜ਼ਾਰ ਮੀਟ੍ਰਿਕ ਟਨ ਚੁੱਕਿਆ ਜਾ ਰਿਹਾ ਹੈ। ਰੋਜ਼ਾਨਾ 2.5 ਲੱਖ ਰੁਪਏ ਦੀ ਲਿਫਟਿੰਗ ਹੋ ਰਹੀ ਹੈ। ਇਹ ਛੇ ਤੋਂ ਸੱਤ ਦਿਨਾਂ ਵਿੱਚ ਪੂਰਾ ਹੋ ਜਾਵੇਗਾ। ਸੂਬੇ ਨੇ 30 ਲੱਖ ਮੀਟ੍ਰਿਕ ਟਨ ਸਟੋਰੇਜ ਕੀਤੀ ਹੈ। 57 ਹਜ਼ਾਰ ਮੀਟ੍ਰਿਕ ਟਨ ਕਣਕ ਮਿੱਲਾਂ ਜਾਂ ਹੋਰ ਥਾਵਾਂ ‘ਤੇ ਸਟੋਰ ਕੀਤੀ ਗਈ ਹੈ। ਐਫਸੀਆਈ ਨੇ 10 ਲੱਖ 50 ਹਜ਼ਾਰ ਮੀਟ੍ਰਿਕ ਟਨ ਭੰਡਾਰ ਕੀਤਾ ਹੈ। ਐਫਸੀਆਈ ਦੇ ਸਟੋਰੇਜ ਪੁਆਇੰਟ 18.27 ਤੋਂ ਖਰੀਦਦਾਰੀ ਕਰਨ ਤੋਂ ਬਾਅਦ ਲਿਫਟਿੰਗ ਹੋਈ ਹੈ।